Кандыдата ад АДС па Барысаўскай вясковай акрузе, сябру Партыі БНФ Сяргея Салаша ў сераду выклікалі ў мясцовы райаддзел міліцыі, каб пазнаёміць з двума адміністрацыйнымі пратаколамі.

20 жніўня выйшлі на волю апошнія палітвязьні Сяргей Парсюкевіч і Андрэй Кім. Дагэтуль у суботу 16 жніўня быў адпушчаны Аляксандар Казулін.

Супрацоўнікі міліцыі Маскоўскага РУУС Менску затрымалі 7 актывістаў дэмакратычнага руху, пераважаня большасьць якіх,-- сябры незарэгістраванай арганізацыі Малады фронт.

У Берасьці затрыманы Андрэй Шарэнда падчас таго, як ён распаўсюджваў газэту “Народная Волю”.

Вярхоўны суд пастанавіў адмовіць у скарзе заснавальнікам грамадзкай арганізацыі “Рух “За Свабоду” на падставе тэхнічнай памылкі ў гарантыйным пісьме арганізацыі, якая забясьпечвала юрыдычны адрас.

У інтэрнэце пачалася акцыя «Запалі сьвечку за Тыбэт». Яе ініцыятары заклікаюць выказаць салідарнасьць з Тыбэтам, запаліўшы сьвечку 7 жніўня а 21:00 (па мясцовым часе). Такая акцыя прымеркаваная да пачатку 29-ых летніх Алімпійскіх гульняў, што пройдуць у Пэкіне.

Міністэрства юстыцыі настойвае на тым, што інтэрвію, якія даваў заснавальнік ПАГА “Рух “За Свабоду” Аляксандар Мілінкевіч, а таксама іншыя сябры арганізацыі, сьведчаць пра іх палітычную дзейнасьць і таму, калі арганізацыю зарэгіструюць, то мэты яе хутчэй за ўсё ня будуць адпавядаць пазначаным у статуце.

У  Маскве на 90‑м годзе жыцьця памёр знаны расейскі пісьменьнік, ляўрэат Нобэлеўскай прэміі Аляксандар Салжаніцын.