Адказаць на каментар

Шэраг праваабарончых мерапрыемстваў пройдзе з 5 па 10 кастрычніка пад лозунгам “Смяротнае пакаранне – гэта забойства”. У іх возьмуць удзел ганаровыя замежныя госці, амбасадары, вядомыя творчыя асобы, сваякі расстраляных і асуджаных да смяротнага пакарання, прыхільнікі і актывісты абаліцыянісцкага руху Беларусі.

Праваабарончы цэнтр “Вясна” запрашае ўсіх далучацца да мерапрыемстваў Тыдня, правядзенне якога ў межах кампаніі “Праваабаронцы супраць смяротнага пакарання ў Беларусі” становіцца ўжо традыцыйным і прыцягвае ўвагу праціўнікаў смяротнага пакарання з іншых краінаў.

Сёлета беларускіх праваабаронцаў сваім удзелам у Тыдні падтрымаюць ганаровыя госці – нястомны змагар за правы чалавека Карэл Шварцэнберг, старшыня Камітэта па замежных справах Парламента Чэшскай Рэспублікі, былы міністр замежных справаў і кіраўнік канцылярыі прэзідэнта Вацлава Гавела, і вядомая праваабаронца Тамара Чыкунова, заснавальніца ўзбекскай арганізацыі “Маці супраць смяротнага пакарання і катаванняў”, чыя абаліцыянісцкая дзейнасць адзначана шэрагам аўтарытэтных прэмій.

Цягам пяці дзён у Мінску пройдуць рознага кшталту імпрэзы, у тым ліку выстава тэматычных плакатаў віленскага мастака Алега Аблажэя і працаў з сусветна вядомага праекта Death Is Not Justice; прэзентацыя аўтарскага праекта фотажурналіста Сяргея Балая, прысвечанага сваякам расстраляных; публічныя лекцыі Карэла Шварцэнберга і Тамары Чыкуновай.

Амбасада Чэшскай Рэспублікі запрашае ўзяць удзел у адкрытай дыскусіі на тэму смяротнага пакарання ў Беларусі. Мерапрыемства адбудзецца 8 кастрычніка з 17:00 да 19:00 у Галерэі «Ў» (Мінск, пр-т Незалежнасці, 37а). Абмяркоўвацца будзе не толькі тэма смяротнага пакарання, але і пытанні правоў чалавека, этыкі, грамадскіх настрояў і ўплыву смяротнага пакарання на грамадства. Будзе абмеркаваны таксама вопыт іншых краін з дадзеным відам пакарання.

У завяршэнне Тыдня 10 кастрычніка – у Сусветны дзень супраць смяротнага пакарання - адбудзецца прэс-канферэнцыя кампаніі “Праваабаронцы супраць смяротнага пакарання ў Беларусі”. Таксама ў межах Тыдня ў розных гарадах Беларусі праваабаронцы зладзяць тэматычныя кінапрагляды і дыскусіі.

На жаль, Беларусь застаецца адзінай краінай у Еўропе і на постсавецкай прасторы, дзе выносяцца і прыводзяцца ў выкананне смяротныя прысуды.

Паводле ПЦ “Вясна” 
   

Адказ

  • Радкі ды абзацы пераносяцца аўтаматычна.
  • Дазволеныя HTML тэгі: <a> <p> <span> <h3> <img> <hr> <br> <br /> <ul> <ol> <li> <table> <tr> <td> <b> <u> <i> <sub> <sup> <blockquote> <pre> <strike> <caption> <em> <strong>
  • Вы можаце дапісваць PHP-код. У такім выпадку ўключайце тэгі <?php ?>.
  • You may insert videos with [video:URL]
  • Адрэсы вэс-старонак і е-мэйл адрэсы пераўтворацца ў спасылкі аўтаматычна.

Больш інфармацыі пра опцыі фарматавання

CAPTCHA
Каб падтвердзіць, што Вы чалавек, калі ласка ўвядзіце код з малюнка ніжэй:
Image CAPTCHA
Увядзіце літары з малюнку