Адказаць на каментар

У Кіеве ў колеры сцяга размалёўваюць парканы і агароджы. Беларуская міліцыя збіраецца заводзіць крымінальную справу “за чырвоную паласу” на манументальных літарах, што складаюць назву горада на ўездзе ў Салігорск.

Крымінальную справу “за апаганьванне” 15-метровага знаку на ўездзе ў сталіцу шахцёраў збіраецца заводзіць салігорская міліцыя. Гаворка пра сімвалічную акцыю арт-групы “Партызан” да гадавіны Аршанскай бітвы, паведамляе ПЦ “Вясна”.

Інфармацыю аб падрыхтоўцы крымінальнай справы мясцовы праваабаронца Леанід Мархотка атрымаў ад начальніка аддзела аховы правапарадку і прафілактыкі Георгія Крывальцэвіча, які прыглядае за дзейнасцю мясцовых апазіцыянераў у Салігорскім РАУС. На дадзены момант ладзіцца пракурорская праверка і збіраюцца матэрыялы.

“Гэты знак не з’яўляецца помнікам культуры, які ахоўваецца дзяржавай. Чырвоная паласа на ім, мяркуючыпа фота ў інтэрнэце, не ўтрымлівала аніякіх цынічніх надпісаў ці малюнкаў. Таму не зусім зразумела, у чым выявіліся вандалізм і апаганьванне, - кажа праваабаронца. - На маю заўвагу з гэтай нагоды спадар Крывальцэвіч адкрытым тэкстам сказаў, што ёсць каманда ад вышэйшага кіраўніцтва распачаць справу. У выніку хутка будзем мець нейкую абсурдную крыміналку “за чырвоную паласу”.

Раней намеснік Крывальцэвіча маёр Яўген Жылінскі заяўляў, што аніякага крыміналу ў гэтай чырвонай паласе няма. Па яго словах, знак не быў сапсаваны, бо чырвоная паласа была не намаляваная, а аздобленая чырвонымі шпалерамі.

У той жа час у гарадах Украіны актывісты паўсюдна размалёўваюць у колеры нацыянальнага сцягу не маючыя гістарычнай каштоўнасці аб’екты нерухомасці і тэхнічныя збудаванні. Прычым гэта ўхваляецца мясцовымі ўладамі і сілавымі структурамі, бо спрыяе яднанню нацыі і ўмацаванню яе маральнага духу ў складаных палітычных умовах.

Агароджа бульвара Тараса Шаўчэнкі ў Кіеве
 

Адказ

  • Радкі ды абзацы пераносяцца аўтаматычна.
  • Дазволеныя HTML тэгі: <a> <p> <span> <h3> <img> <hr> <br> <br /> <ul> <ol> <li> <table> <tr> <td> <b> <u> <i> <sub> <sup> <blockquote> <pre> <strike> <caption> <em> <strong>
  • Вы можаце дапісваць PHP-код. У такім выпадку ўключайце тэгі <?php ?>.
  • You may insert videos with [video:URL]
  • Адрэсы вэс-старонак і е-мэйл адрэсы пераўтворацца ў спасылкі аўтаматычна.

Больш інфармацыі пра опцыі фарматавання

CAPTCHA
Каб падтвердзіць, што Вы чалавек, калі ласка ўвядзіце код з малюнка ніжэй:
Image CAPTCHA
Увядзіце літары з малюнку