Міністэрства юстыцыі настойвае на тым, што інтэрвію, якія даваў заснавальнік ПАГА “Рух “За Свабоду” Аляксандар Мілінкевіч, а таксама іншыя сябры арганізацыі, сьведчаць пра іх палітычную дзейнасьць і таму, калі арганізацыю зарэгіструюць, то мэты яе хутчэй за ўсё ня будуць адпавядаць пазначаным у статуце.

На судзе прысутнічаюць усе заяўнікі скаргі, акрамя Аляксандра Мілінкевіча, які цяпер удзельнічае ў працы ініцыятыўных групаў па зборы подпісаў для дэмакратычных кандыдатаў. Судзьдзя Вярхоўнага Суда Рэспублікі Беларусь Валянціна Кулік вядзе справу на беларускай мове.

Зараз судзьдзя аб’явіла перапынак да 14 гадзіны.

Паводле milinkevich.org