Reply to comment

Высылка Алены Танкачовай дэманструе "тыя велізарныя выклікі, якія перашкаджаюць праваабаронцам працаваць у Беларусі". Пра гэта заявіў спецдакладчык па Беларусі Савета па правах чалавека ААН Міклаш Харашці 6 сакавіка, паведамляе сайт Упраўлення Вярхоўнага камісара па правах чалавека ААН.

"Гэтая відавочна непрапарцыйная мера была зроблена ўладамі ў адплату за праваабарончую дзейнасць сп-ні Танкачовай ў краіне. Гэта парушэнне міжнародных абавязацельстваў Беларусі ў сферы правоў чалавека", - заявіў Харашці.

Нагадаем, спецдакладчык СПЧ ААН па Беларусі быў прызначаны ў 2012 годзе. Мандат Міклаша Харашці ня прызнаецца беларускімі ўладамі, якія адмаўляюцца супрацоўнічаць з ім.

Алена Танкачова - праваабаронца, кіраўнік Цэнтра прававой трансфармацыі (Lawtrend), якая мае расійскае грамадзянства, была выслана на тры гады з Беларусі ў лютым 2015 пасля таго, як пражыла тут каля 30 гадоў. Праваахоўныя органы пазбавіліяе віду на жыхарства ў Беларусі, заявіўшы пра шматлікія адміністрацыйных правапарушэннях Танкачовай (у асноўным - перавышэнне хуткасці). Сама праваабаронца заяўляла ў ходзе судовых пасяджэнняў, што не кіравала сваім аўтамабілем, калі была выпісана большасць штрафаў. Калегі і паплечнікі Танкачовай звязваюць яе высылку з яе праваабарончай дзейнасцю.

Паводле ПЦ "Вясна"