Reply to comment

Экс-кандыдат у прэзідэнты і былы палітвязень Мікалай Статкевіч 30 верасня аштрафаваны судом Цэнтральнага раёна Мінска на 50 базавых велічыняў (9 млн рублёў) за другую «сустрэчу з выбарцамі», што прайшла 23 верасня на плошчы Свабоды ў Мінску.

Наша Ніва нагадвае, што за сустрэчу з выбарцамі, якая прайшла каля ГУМа 10 верасня Статкевіч атрымаў штраф у 7,2 млн рублёў.

Наколькі ва ўладаў хопіць вытрымкі трываць перадвыбарчы "разгул дэмакратыі" невядома. Анатоль Лябедзька, якога судзілі за гэты сход, у іншым кабінеце, пракаментаваў так: «Пасля 4 кастрычніка будуць усіх закрываць».

Сам Анатоль Лябедзька атрымаў два штрафы: за пікет 16 верасня — 5,4 млн рублёў, за акцыю 23 верасня — 1,8 млн. Уладзімір Някляеў атрымаў 3,6 млн рублёў штрафу.