Reply to comment

На сесіі Палаты прадстаўнікоў 13 лістапада дэпутат ад Аб'яднанай грамадзянскай партыі Ганна Канапацкая ўзняла пытанне аб свабодным і роўным доступе да інфармацыі.

Канапацкая нагадала аб сумеснай сустрэчы дэпутатаў Палаты прадстаўнікоў з кіраўніком дзяржавы 7 кастрычніка, падчас якой у Авальнай зале маглі знаходзіцца толькі прадстаўнікі дзяржаўных СМІ, паведамляе БелаПАН.

У сувязі з гэтым яна звярнулася з пытаннем да дэпутата Андрэю Навумовіча, якога вылучылі на пасаду старшыні парламенцкай камісіі па правах чалавека, нацыянальных адносінах і сродках масавай інфармацыі, з пытаннем, якія меры Навумовіч, як старшыня камісіі, прыме для таго, каб «рэалізаваць палажэнні Канстытуцыі аб свабодным і роўным доступе да інфармацыі».

Адназначнага адказу Канопацкая не атрымала. "Вялікі дзякуй за пытанне, калі такая тэма заслугоўвае абмеркавання, я сёння гатовы пасля пасяджэння з вамі сустрэцца і паабмяркоўваць», - адказаў Навумовіч. На заўвагу, што гэтая тэма цікавая ўсіх прысутных у зале, Навумовіч дадаў: «Я гатовы запрасіць вас у камісію, калі стану старшынёй, для дэталёвага абмеркавання гэтага пытання».