Reply to comment

Вольга Мікалайчык была аштрафаваная за ўдзел у шэрагу мірных вулічных пікетаў, у якіх удзельнічала летась. Сярод іншых гэта пікет «нацыянальнага сцяга», пікет салідарнасці з грамадскімі актывістамі Эдуардам Пальчысам, Нінай Багінскай і многімі іншымі. Памер нясплочаных штрафаў дасягнуў 5200 рублёў.

Паведамленне пра арышт жытла актывістка атрымала на трэці дзень новага году, тым часам як пастанова датаваная 1 снежня 2016 году, кажа Вольга Мікалайчык.

«Мне выпісвалі штрафы за мірныя вулічныя акцыі толькі таму, што на іх не было дазволу. Адначасна атрымаць афіцыйны дазвол на іх правядзенне практычна немагчыма. Прычым памер штрафу — 200-300 даляраў — абсалютна неадпаведны ўчынку. Гэта цалкам рэпрэсіўная акцыя з мэтай спынення грамадскай актыўнасці, а не захавання законнасці», — паведаміла Радыё Свабода Вольга Мікалайчык.