Адбыўся напад на дом кіраўніка гомельскай гарадзкой арганізацыі Партыі БНФ Анатоля Паплаўнага

Увечары 1 красавіка спадар Анатоль заўважыў, што ў яго прыватны дом нехта залез, выламаўшы пры гэтым фортку у вакное разьбіўшы гаршчок з кветкамі, пакінуўшы сьмецьце. Нічога скрадзена не было.

Анатоль Паплаўны выклікаў міліцыю. Спачатку на месцы зьявіўся апэратыўны нарад, які агледзеў месца здарэньня. Пазьней зьявіліся супрацоўнікі РАУС Савецкага раёну Гомля. Яны ўзялі ў жыхароў тлумачэньні ды склалі адпаведны пратакол.

"Я думаю, што мяне так хацелі напалохаць, - кажа Анатоль Паплаўны, - перакананы, што гэта з-за маёй палітычнай дзейнасьці. У нас здараліся такія выпадкі перад 25 сакавіка, працягваюцца й цяпер".

Інфармацыя: праваабарончы цэнтр "Вясна"