Мар’яну Груздзіловіч аднавілі на працы

Звольненую з філіі брытанскага адукацыйнага цэнтру «SOL Minsk» настаўніцу ангельскай мовы Мар’яну Груздзіловіч аднавілі на працы.

31 сакавіка, калі жанчына прыйшла за канчатковым разлікам і за працоўнай кніжкай, галоўны бухгалтар азнаёміў спн.Мар’яну з пастановай, паводле якой быў адменены папярэдні загад аб яе звальненні.

Сама Мар’яна Груздзіловіч пакуль узяла час на роздум. Пакуль яна не прыняла ніякае рашэнне. З кіраўніцтвам кампаніі жанчына яшчэ не размаўляла і не ведае, што стала галоўнай прычынай такога рашэння.

Настаўніцу звольнілі 25 Сакавіка за тое, што адрэагавала на рэпліку адной за навучэнак, адносна тых, хто ўдзельнічае ў святкаванні Дня Волі.

Паводле Нашай Нівы