Пра стан здороў'я Клімава нічога невядома

Былы дэпутат Андрэй Клімаў ужо трэці тыдзень знаходзіцца ў Менскім турэмным шпіталі. Туды яго перавялі са сьледчага ізалятару пасьля сардэчнага прыступу.

Жонка палітыка Тацяна распавяла “Радыё Свабода”, што ёй ўдалося перадаць мужу ў шпіталь патрэбныя яму лекі.

У дэпартамэнце выкананьня пакараньняў МВД нічога не паведамляюць пра стан здароўя апазыцыйнага палітыка.

Нагадаем, Андрэя Клімава падазраюць ў закліках скідаць ўладу, якія ён нібыта распаўсюдзіў праз артыкул, размешчаны ў інтэрнэце. Гэта трэці арышт Клімава за час ягонай палітычнай дзейнасьці.