Прысуд па справе Канстанціна Лукашова мае быць агучаны заўтра

25/07/2007

Прысуд па справе Канстанціна Лукашова мае быць агучаны заўтра. Пра гэта “Польскаму радыё” паведаміў брат падсутнага Вячаслаў Сіўчык.

Нагадаем, што судовая справа супраць Канстанціна Лукашова, які абвінавачваецца ў нападзе на міліцыянта, цягнецца больш за год.
28 сакавіка 2006 году Лукашоў вывозіў з 3-га менскага клінічнага шпіталю свайго брата, палітыка Вячаслава Сіўчыка. Некалькі міліцыянтаў спрабавалі затрымаць аўтамабіль, адзін зь іх, Анатоль Сушчэня, пасьлізнуўся й упаў на зямлю. Пазьней міліцыянт падаў скаргу на Лукашова, нібыта той зьбіў яго аўтамабілем. Ленінскі суд Менску прысудзіў Лукашова да двух гадоў зьняволеньня з адтэрміноўкай на два гады. Менскі гарадзкі суд адмяніў гэтае рашэньне й ужо два тыдні справа цягнецца ізноў.

Польскае радыё для замежжа