Пастанова Сенату Універсітэта Казіміра Вялікага

Сенат Універсітэта Казіміра Вялікага, прыняўшы на паседжанні 25 студзеня 2011 г.  рашэнне падтрымаць зварот Хельсінскага фонда правоў чалавека, заклікае не дапусціць ужыванне рэпрэсій у адносінах да студэнтаў вышэйшых і сярэдне-спецыяльных навучальных устаноў, якія бралі ўдзел у мірных акцыях пратэсту, што адбыліся ў Мінску і іншых гарадах Рэспублікі Беларусь 19 і 20 снежня 2010 г.  Інфармацыя, якую можна атрымаць са сродкаў масавай інфармацыі, звароты розных арганізацый і выступы грамадзянскіх актывістаў даюць падставу меркаваць пра магчымыя масавыя адлічэнні студэнтаў, на якіх былі накладзеныя адміністратыўныя пакаранні ў сувязі з падзеямі 19 і 20 снежня 2010 г. Усталяваная практыка адлічэння студэнцкай моладзі пасля акцый пратэсту ў папярэднія гады выклікае востры непакой і дае падставу чакаць ад кіраўніцтва навучальных устаноў падобнай рэакцыі і цяпер.
У сувязі з вышэйсказаным і ўлічваючы набліжэнне ў вну перыяду экзаменацыйных сесій, мы заклікаем Міністэрства адукацыі Рэспублікі Беларусь звярнуць асаблівую ўвагу на тое, каб забяспечыць аднолькавае і бесстароннае стаўленне да ўсіх студэнтаў навучальных устаноў у Беларусі.  Мы заклікаем таксама прадухіліць адлічэнне маладых грамадзянскіх актывістаў з прычыны пропускаў імі заняткаў з-за таго, што яны адбывалі адміністратыўны арышт, альбо з прычыны штучна заніжаных адзнак. Такога кшталту практыкі дадуць падставу міжнароднай супольнасці казаць пра парушэнне правоў чалавека ў адносінах да беларускіх студэнтаў і пераследзе іх па палітычных матывах.

Старшыня Сената УКВ
рэктар
праф., д-р т.н. Юзэф Кубік