У ізалятары на “Акрэсціна” рыхтуюцца да чарговых прысудаў

Прыйшоўшыя да прахадной брамы “Цэнтра ізаляцыі правапарушальнікаў” на зав. Акрэсціна падтрымаць сваіх сяброў, родных і блізкіх, асуджаных за акцыі “маўклівых пратэстаў”, цэлы дзень не маглі перадаць сабраныя перадачы. Спачатку супрацоўнікі ўстановы паведамлялі, што прыём не будзе весціся выключна да абеду па тэхнічных прычынах. Але ніхто з тых, хто цэлы дзень прачакаў з цяжкімі торбамі ля турэмнае сцяны так і не дачакаўся выпраўлення таемных “тэхнічных перашкод”.
 
“Дамовілася 6 ліпеня на сустрэчу каля будынку нацыянальнай бібліятэкі з сябрам. Крыху спазнялася і вырашыла папярэдзіць яго, на што ён па мабільным сказаў, што яго ўжо кудысці вязуць. Спачатку не верыла, думала прыдумляе. У выніку асудзілі хлопца на 10 сутак, вось зараз перадачы носім і спрабуем як-неяк падтрымаць. Толькі дзяжурны на КПП, кажа пакуль, што да абеду нікога не прымуць. Будзем вось чакаць,” – паведаміла студэнтка Саша.
 
Пасля абеду праца па прыёму перадач так і не пачалася, сярод сабраўшыхся нарастала абурэнне, з вокнаў камэр пачалі з’яўляцца аркушы паперы з надпісамі “ШОС” і “Жыве Беларусь”, нехта з арыштаваных змайстраваў з паперы нават бел-чырвона-белы сцяг. Неўзабаве да ізалятара пад’ехў цэлы караван аўтазакаў для перавозкі асуджаных, так-жа раптоўна знікшы за задратаванымі сценамі. Праз некалькі гадзін караван спецтранспарту выехаўшы з брамы знік у невядомым накірунку. Па інфармацыі “Нашай Нівы” калонна рушыла ў бок Жодзіна, куды з-за недахопу месцаў маглі адвезці частку арыштаваных.
 
“Толькі што з’ехала калонна аўтазакаў,- пайшлі чуткі быццам бы палітычных перавозяць у Жодзіна. Ці то з-за недахопу месцаў, ці то каб падрыхтавацца да новых затрыманняў у сераду. Праўда чытала ў інтэрнэце аб нядаўняй сутычцы футбольных хуліганаў і шматлікіх затрыманнях, магчыма гэта іх прывезлі. Супрацоўнікі ўстановы нам тут пакуль нічога не тлумачаць.”- пракаментавала сытуацыю  студэнтка Вера, прыйшоўшая перадаць перадачу асуджанаму сябру.
 
Праваабаронца з «Вясны» Наста Лойка 7 ліпеня, пасьля чарговай хвалі арыштаў, распавяла Свабодзе: «Паводле нашых дадзеных, на Акрэсціна ўжо не хапае месцаў для асуджаных, і частку з іх павязуць адбываць пакаранне ў жодзінскі ізалятар. У прыватнасці туды трапяць тыя, каго асудзілі ў Заводзкім судзе Мінску».

Нагадаем, што ў ізалятары на Акрэсціна і ў Жодзіна зараз знаходзяцца людзі арыштаваныя за ўдзел у «маўклівых» акцыях пратэсту 3 і 6 ліпеня ў Мінску. Некаторыя з іх абвесцілі галадоўку. Па некаторых звестках спісы адвезеных у Жодзіна будуць даступныя толькі заўтра.