Рыхтуйце праекты па моладзевай салідарнасці!

Прадстаўнікі недзяржаўных моладзевых організацый сабраліся ў  Міжнародным моладзевым цэнтры «Фіальта», каб абмеркаваць новую праграму Еўрапейскага Саюза "Моладзь у дзеянні", якая  будзе дзейнічаць да 31 снежня 2013 года.
 
Гэтая праграма папулярызуе актыўную грамадзянскасць моладзі, яе еўрапейскую грамадзянскасць перш за ўсё,  заахвочвае да дыялогу, талерантнасці і салідарнасці сярод моладзі.
 
Арганізатары мерапрыемства з асветніцкай ўстановы «Офіс еўрапейскай экспертызы і камунікацый» запрасілі  на круглы стол маладых людзей з розных беларускіх моладзевых НДА - сталічных і рэгіянальных.
 
Прадстаўнікі моладзевых суполак абмеркавалі, якія магчымасці ёсць у нашай моладзі, каб разам з равеснікамі з  еўрапейскіх краінаў адстойваць і прасоўваць свае інтарэсы, навучацца, адпачываць, самарэалізоўвацца.

 
Акцэнтаваліся такія важныя праблемы, як дапамога ў сумесных дзеяннях маладых людзей з розных культурных, адукацыйных і рэлігійных супольнасцяў, інтэграцыя моладзі з меншымі магчымасцямі – інвалідаў, хворых на СНІД і гэтак далей.

 
Былі абмеркаваны  прыярытэты і патрэбы беларускіх моладзевых арганізацый для падтрымкі ў рамках еўрапейскіх конкурсаў праектаў.
 
Наша краіна ў якасці партнэрскай краіны з Усходняй Еўропы можа супрацоўнічаць сумесна з іншымі краінамі  Праграмы “Моладзь ў дзеянні” над праектамі па развіццю валанцёрскага сектара і моладзевых абменаў, стварэнню доўгатэрміновых партнэрскіх адносінаў і аб’яднанняў арганізацыяў у партнэрскія сеткі.
 
Такая праца спрыяе абмену досведам і навінкамі ў працы паміж недзяржаўнымі і дзяржаўнымі моладзевымі структурамі ў краінах ЕС і Усходняй Еўропы.

Да сумеснай падрыхтоўкі   такіх праектаў  запрашаюцца удзельнічаць усе беларускія моладзевыя згуртаванні. Заяўку на фінансаванне праектаў трэба  дасылаць ад імя ўсіх партнэраў, адной з арганізацый з Праграмнай Краіны “Моладзь ў дзеянні”.  

 
Кантакты:

43 Мокоtowska st.00-551 Warsaw,
                 Poland
Phone:+4822-6216267
          +4822-6223706
Fax:+4822-621-62-67
e-mail: [email protected]
 
Праект павінен быць пададзены не пазней за адну з наступных дат:
1 лютага
1 красавіка
1 чэрвеня
1 верасня
1 лістапада


Праект павінен пачацца не раней чым 3 месяцы пасля тэрміну падачы заяўкі
 
Больш падрабязную інфармацыю глядзець на сайце: www.salto-youth.net/eeca