На аднаго палітзняволенага паменела

З баранавіцкай турмы быў вызвалены Васіль Парфянкоў. Да турэмнай брамы сустракаць хлапца прыехала блізу 20-і чалавек: сябры і паплечнікы.
 
“Гэтае зняволенне не адаб’ецца на мне. Я застаўся ранейшым. Буду змагацца надалей, толькі яшчэ лепей зразумеў для чаго змагаюся. То бок прайшоў такі курс загартоўкі. Але так, вельмі прыемна бачыць сяброў і дыхаць свабодным паветрам.” – пракаментаваў свае вызваленне Парфянкоў.
 
Нагадаем, што Парфянкова, фігуранта “справы 19 снежня” асудзілі ўлетку 2012-га на 6 месяцаў арыштнага дому за парушэнне правілаў адбыцця хатняга прафілактычнага нагляду. Нагляд быў накладзены на хлопца за ўдзел  у акцыях салідарнасці з палітвязнямі.