Моладзь выказала салідарнасць з палітычнымі вязнямі

Маладзёны з Гомеля сустрэліся, каб выказаць падтрымку беларускім палітвязням.

Сустрэча адбылася на кватэры аднага з удзельнікаў імпрэзы, падчас якой хлопцы і дзяўчаты падпісалі паштоўкі, якія распаўсюджвае Камітэт “Салідарнасьць” у межах агульнарэспубліканской  акцыі “Тыдзень палітвязня”.

У праграме моладзевай сустрэчы адбыўся таксама канцэрт мінскага барда Сяргея Башлыкевіча і гомельскіх музыкаў.

Прысутныя на вечарыне маладыя людзі выказалі надзею, што іх паштоўкі змогуць падтрымаць тых дзевяць  чалавек, якія  зараз па палітычных матывах знаходзяцца за кратамі ў  калоніях і турмах Беларусі.