Разам “За дранікамі”

Магілёўскія дэмакраты падаюць добры прыклад яднання усіх дэмакратычных актывістаў для абмеркавання вострых пытанняў. Яны ініцыявалі фармат  рэгулярных сустрэч “За дранікамі” якія на бліжэйшы час вырашана зрабіць рэгулярнымі.

8 кастрычніка на сядзібе Аб’яднанай грамадзянскай партыі адбылася першая такая нефармальная сустрэча. Сабралісь не менш за два дзесяткі чалавек, прадстаўнікоў амаль усіх дэмакратычных партый і грамацкіх арганізацый. Абмеркоўвалі бадай ці не самае рэзананснае пытанне ў міжнародным жыцці нашай краіны – “Канфлікт Беларуськалія з Уралкаліем. Рынкавыя паводзіны або дзяржаўна-алігархічныя разборкі”.

Амаль усе прысутныя выказалі свой погляд на канфлікт дзвух дзяржаў, ад якога ў першаю чаргу пакутвае беларускі бок. А гэта значыць пакутваюць простыя жыхары нашай краіны, адчуваючы, у той ці іншай меры, гэты канфлікт на сваей кішэні ці страўніку.

Не ўсе думкі супадалі. Але амаль усе пагадзіліся з тым, што гэта яскравы прыклад наменклатурна-алігархічных разборак дзвух аўтарытарных дзяржаў. І рацэпт ад недапушчальнасці такіх выпадкаў у будучым можа быць толькі адзін. Змена, праз дэмакратычныя  выбары, існучай аўтакратычнай улады на дэмакратычную.