Як правесці паспяховую PR-кампанію для сацыяльна-значных праектаў

Беларускі Нацыянальны моладзевы савет “РАДА” арганізуе 13 кастрычніка публічную лекцыю з удзелам каардынатара і капірайтара праекта “PRацоўня сацыяльнай рэкламы” Юліі Рымашэўскай.

"Як правесці паспяховую PR-кампанію для сацыяльна-значных праектаў" - тэма бліжэйшай публічнай лекцыі з цыклу сустрэчаў для маладых беларусак і беларусаў на самыя разнастайныя тэмы ў межах “Моладзевага кафэ”.

Мерапрыемства праводзіцца з мэтай інфармавання пра этапы планавання і рэалізацыі паспяховай PR кампаніі ў грамадскім сектары.

На лекцыі планцецца абмеркаваць складанасці прасоўвання сацыяльна значных праектаў у Беларусі і спосабы прыцягнення да іх увагі грамадства: асновы рэкламы і PR.

Асноўныя аспекты лекцыі:

• Што неабходна ведаць, каб арганізаваць паспяховую PR-кампанію;
• Асноўныя рызыкі падчас планавання і рэалізацыі дзейнасці;
• Пазнаёміцца з прыкладамі паспяхова і непаспяхова рэалізаваных кампаній у Беларусі і не толькі.

Месца правядзення: ЦЭХ (пр-т Незалежнасці, 58 (2 паверх)). Пачатак а 17 гадзіне.