У Мінску рыхтуецца вечарына салідарнасці з Украінай

У пятніцу, 21 лістапада, калі ва Украіне адзначаецца Дзень Годнасці і Свабоды, мінчукі ладзяць вечарыну салідарнасці з Украінай «Разам назаўжды».

У межах вечарыны пройдзе выстава і дабрачынны аўкцыён карцін мастачкі Наталлі Бордак, усе грошы ад якога пойдуць на медыцынскую дапамогу параненым. Ахвяраваўшы грошы да дабрачынную справу можна будзе таксама атрымаць цудоўныя лялькі-мотанкі, зробленыя Наталляй Бордак.

Запланаваныя таксама выступы бардаў Андрэя Мельнікава і Змітра Захарэвіча.

Вечарына пройдзе 21 лістапада па адрасе: Мінск, вуліца Чарнышэўскага, 3а. Пачатак а 18.00.