Галівудская кіназорка выказала салідарнасць Мікалаю Статкевічу

Вядомая кінаактрыса Дэмі Мур перадала словы падтрымкі беларускім палітвязням і падпісала паштоўку Мікалаю Статкевічу.

Пра гэта на сваёй старонцы ў Фэйсбуку напісаў кандыдат ў прэзідэнты ў 2010 годзе Андрэй Саннікаў:

 «Пазнаёміўся з Дэмі Мур на Седонскім форуме, які праводзіць сенатар Макейн. Расказаў ёй пра палітвязняў у Беларусі. Дэмі, якая цяпер актыўна займаецца грамадскай дзейнасцю, прасіла перадаць ім словы салідарнасці, падтрымкі і падпісала паштоўку Мікалаю Статкевічу: «Мікалай! Трымайцеся — пра вас памятаюць! Жыве Беларусь! Дэмі Мур».