Рашэнне аб масавых мерапрыемствах у Салігорску як і раней дыскрымінуе іншадумцаў

Нядаўна было прынятае новае рашэнне Салігорскага райвыканкаму “Аб вызначэнні месцаў правядзення масавых мерапрыемстваў”. Мясцовыя прадстаўнікі БХК бачаць у ім тыя ж прынцыповыя хібы і неадпаведнасць Канстытуцыі Беларусі ды ратыфікаваным дзяржавай міжнародным дакументам у галіне правоў чалавека.

Адносна зместу новага рашэння салігорскія праваабаронцы выказваюцца крытычна. На думку праваабаронцы Леаніда Мархоткі, якога цытуе сайт spring96.org,  яно, безумоўна, лепш прычасанае пад актуальны Закон “Аб масавых мерапрыемствах” і нават адносна свайго таямнічага папярэдніка крыху пашырыла магчымасці для правядзення дэманстрацый і вулічных шэсцяў. Тым не менш, па словах праваабаронцы, яны будуць дамагацца прызнання неправавым і гэтага рашэння Салігорскага райвыканкаму.