У Мікашэвічах з’явіліся ўлёткі ў падтрымку палітвязняў (ФОТА)

Сябра БСДП (Грамада) Віталь Каліноўскі прымеркаваў сваю акцыю да суду над палітвязнем Юрыем Рубцовым, які пачаўся 27 траўня ў судзе Пружанскага раёна.

Як паведамляе spring96.org Віталя Каліноўскага затрымаў капітан міліцыі Дзяніс Грыцкевіч. Маладзёна абшукалі і знайшлі 6 улётак з выявамі палітвязняў.

У Мікашэвіцкім гарадскім аддзеле міліцыі актывіста пратрымалі больш за дзве гадзіны і па загаду начальніка гараддзела Сяргея Дзенісені ўчастковы інспектар капітан Аляксандр Басманаў склаў на Віталя Каліноўскага адміністрацыйны пратакол па арт.21.14 ч. 2, а таксама па п.17 Пастановы Саўміна 10/87 ад 28.12.2012 г. Яго абвінавацілі ў расклейванні ўлётак нерэкламнага характару без дазволу.