Падчас адзначэння Дня незалежнасці Украіны ў актывістаў перапісалі пашпарты

Дэмакратычныя актывісты у Мінску ля Чырвонага касцёла 24 жніўня публічна адзначылі Дзень незалежнасці Украіны. Яны разгарнулі сцяг і праспявалі украінскі гімн.

Па інфармацыі spring96.org Леанід Кулакоў, Вольга Нікалайчык, Зміцер Кантаровіч і Максім Вінярскі каля Чырвонага касцёла на плошчы Незалежнасці праспявалі украінскі гімн, трымаючы сцяг з трызубцам.

Як паведаміў праваабаронцам Леанід Кулакоў, увесь час за актывістамі сачылі чатыры супрацоўнікі міліцыі з Маскоўскага РУУС. Пасля завяршэння акцыі на аўтобусным прыпынку двое з іх спынілі актывістаў і ва ўсіх перапісалі пашпартныя дадзеныя.