За актыўны удзел у акцыях падтрымкі прадпрымальнікаў караюць штрафамі

Суды над актыўнымі удзельнікамі несанкцыяванай акцыі на Кастрычніцкай плошчы, што адбывалася 22 лютага, праходзяць у Мінску 9-10 сакавіка.

Як адзначае Радыё Свабода, у Беларусі зноўку запушчаны “судовы канвеер”. Адзіная палёгка, што зараз караюць не суткамі а штрафамі, што праўда даволі сур’ёзнымі.

Так сёння актывіст “Еўрапейскай Беларусі” Максім Вінярскі у Цэнтральным судзе дастаў ад суддзі Валерыя Есьмана штраф у 50 базавых велічынь (10,5 млн. рублёў), а таксама пратакол за непавагу да суду. (Максім адмовіўся падымацца ў прысутнасьці суддзі.)

У тым жа судзе сёння разглядаюць адміністрацыйныя справы Паўла Севярынца, Вячаслава Сіўчыка, Паўла Вінаградава, Леаніда Кулакова і Ніны Багінскай. Актывістаў будуць судзіць Міхаіл Хома, Тацяна Рак і Вікторыя Шабуня.

Учора за акцыі ў падтрымку прадпрымальнікаў штрафы атрымалі Мікалай Казлоў, Алесь Абрамовіч, Мікола Статкевіч і Алесь Макаеў. Ну суды запрашалі праз SMS, апошніх двух судзілі завочна.