У Мінску разгарнулі “Жаночы ЦЭХ-2016”

Сумесны арт-праект ініцыятыў “Гендэрны маршрут” (Мінск), “Фемінісцкая майстэрня” (Львоў), Швейны кааператыў “Швемы” (Санкт-Пецярбург – Кіеў), закліканы даць імпульс развюццю фемінісцкага руху, праходзіць у сталіцы з 25 лістапада па 10 снежня ў выставачнай прасторы “ЦЭХ”. 

Мерапрыемства адбываецца з нагоды Міжнароднага дня барацьбы за ліквідацыю гвалту ў адносінах да жанчын і “16 дзён актыўных дзеянняў супраць гендэрнага гвалту”. Мінская арт-майстэрня з’яўляецца сімвалічным працягам украінскага праекта “Жаночы Цэх” “Фемінісцкая афензіва” 2012 года, паведамляе gender-route.org

Мэта арт-майстэрні “Жаночы ЦЭХ-2016” – выбудаваць прастору жаночай салідарнасці і сімвалічна змяніць выставачную прастору “ЦЭХ” – месца арт-інтэлектуальна-творчага ўзаемадзеяння ў Мінску, – прынамсі ў дні “актыўных дзеянняў”.

Удзельніцы будуць працаваць над пераўтварэннем прасторы шляхам непасрэднай працы ў ЦЭХ-у, ствараючы аб'екты з тканіны, працы з тэкстамі флэшмобу #ЯНеБаюсяСказаць, правядуць адкрытыя майстэрні і трэнінг для жанчын.

Куратарскі калектыў ставіць за мэту стварыць нефармальную гарызантальную прастору супрацоўніцтва мастачак-актывістак з суседніх краін, якія будуць працаваць на аснове творчай салідарнасці над пытаннямі, якімі займаецца сучасная феміністычная тэорыя, а менавіта:

  • Гендэрная няроўнасць у сучасных грамадствах;
  • Гендэрны гвалт.

У калектыўнай арт-майстэрні ўдзельнічаюць: Ганна Хвыль, Ганна Аксютовіч, Антаніна Мельнік, Марыя Лук'янава, Ганна Цярэшкіна, Алеся Панава, Марта Чумала, Паліна Заслаўская, Ірына Саламаціна, Таццяна Шчурко.

“Гендэрны маршрут” (Мінск) – эксперыментальны праект, удзельніцы якога знаходзяцца ў пошуку новых фарматаў працы (майстэрні, выставы, канферэнцыі), і спрабуюць злучыць акадэмічны (даследчы) і мастацкі (практычны) складнік у межах сваіх мерапрыемстваў, якія накіраваныя на распаўсюд, абмеркаванне і прасоўванне гендэрных ведаў у розных аўдыторыях.

“Фемінісцкая майстэрня” (Львоў) – некамерцыйная грамадская арганізацыя (НГА), місіяй якой ёсць стварэнне асяроддзя, спрыяльнага для развіцця і самарэалізацыі дзяўчат і жанчын у Львове.

Швейны кааператыў “Швемы” (Санкт-Пецярбург – Кіеў) – неіерархічная супольнасць, удзельніцы якой займаюцца неатчужанай працай у галінах швейнай справы, актывізму, танца і сучаснага мастацтва і ўвасабляюць на практыцы нізавую самаарганізацыю, праз стварэнне раўнапраўных супольнасцяў, акцый і праектаў супраць гамафобіі, сэксізму і дыскрымінацыі розных якасцей.
 

0 Comments

Post new comment

  • Lines and paragraphs break automatically.
  • Allowed HTML tags: <a> <p> <span> <h3> <img> <hr> <br> <br /> <ul> <ol> <li> <table> <tr> <td> <b> <u> <i> <sub> <sup> <blockquote> <pre> <strike> <caption> <em> <strong>
  • You may post PHP code. You should include <?php ?> tags.
  • You may insert videos with [video:URL]
  • Web page addresses and e-mail addresses turn into links automatically.

More information about formatting options

CAPTCHA
This question is for testing whether you are a human visitor and to prevent automated spam submissions.
Image CAPTCHA
Enter the characters shown in the image.