Reply to comment

30 студзеня ўпершыню, больш чым за 10 гадоў, магілеўскі абласны суд скасаваў судовую пастанову ў дачыненні да грамадскага актывіста.

Сябра  Аб’яднанай грамадзянскай партыі Антон Касцоў змог абскардзіць у абласным судзе рашэнне Ленінскага суду Магілева. Абвінавачванне яму было прад’яўлена за арганізацыю акцыі аўтамабілістаў “Стоп падатак”  - супраць увядзення падаткаў на ўладанне  аўтамабілем.  Суд, які адбыўся 26 снежня, пакараў Касцова трымя суткамі адміністрацыйнага арышту.

Падчас разгляду справы ў абласным судзе Касцоў звярнуў увагу на шматлікія недарэчнасці, на якія Ленінскі суд наўпрост не звяртаў аніякай увагі. Тое, што яму не растлумачылі, прадугледжаныя ў такіх выпадках, правы, перадузятыя адносіны, сягаючыя сапраўднай жорсктасці, з боку суддзі Селядцовай, шматлікія парушэнні ў складзенам на яго пратаколе.

Суддзя Магілеўскага абласнога суду Гладкі адмяніў пастанову Ленінскага раённага суду і накіраваў справу на новы разгляд.

Паводле слоў вядомага ў Магілеве правабаронцы Барыса Бухеля, гэту з’яву нельга не адзначыць. Калі ў іншых справах прыводзіліся амаль жалезныя аргументы, але ад іх адмахваліся як ад назойлівых мух, то гэтым разам правасуддзе  ўсё ж здзейснілася. Маленькая, але перамога.