Reply to comment

У Мінску адбыўся круглы стол з удзелам супрацоўнікаў Камітэта “Салідарнасць” і некаторымі выпускнікамі праграмы Каліноўскага.

У межах сустрэчы старшыня Камітэта “Салідарнасць” Іна Кулей распавяла пра адукацыйныя праграмы польскага ўраду для беларускай моладзі, якія перанялі эстафету салідарнасці пасля праграмы Каліноўскага, адбылася прэзентацыя сайта праекта “Тваё заўтра” yoto.by а таксама абмяркоўваліся ідэі па арганізацыі сёлета восенню форума з удзелам выпускнікоў ВНУ, прадстаўнікоў бізнес-колаў і НДА і замежных дыпламатаў.

Паводле слоў Іны Кулей праграма Каліноўскага ў традыцыйным фармаце скончыла сваё існаванне. Замест яе будуць дзейнічаць гадавыя стажыроўкі для тых, хто займаецца навуковай працай. Для беларусаў таксама адкрыта праграма Бонаха, якая створана для краін Усходняга партнёрства.

Таксама старшыня Камітэту распавяла пра новы праект “Тваё заўтра”, які закліканы спрыяць вяртанню беларускай моладзі на радзіму і прымяненню атрыманай у ЕС вышэйшай адукацыі на карысць Беларусі. Зараз праводзіцца вялікая праца, каб прадстаўнікі паспяховых у Беларусі бізнес-кірункаў і выпускнікі праграмы Каліноўскага знайшлі адзін аднаго. Менавіта дзеля гэтага на восень запланаваны форум з удзелам выпускнікоў еўрапейскіх і беларускіх ВНУ, паспяховых бізнесменаў, прадстаўнікоў замежных прадпрыемстваў, “трэцяга сектара”, еўрапейскіх дыпламатаў.

Удзельнікі сустрэчы прапанавалі свае ідэі па арганізацыі вераснёўскага форума, супольна абмяркоўваўся фармат будучага мерапрыемства.

Наталля Літвіненка прэзентавала сайт “Тваё заўтра” yoto.by. У Беларусі, нягледзячы на эканамічныя праблемы, ёсць прыклады паспяховых бізнес-праектаў. Яны знайшлі сваё адлюстраванне ў рыбрыцы сайта “Гісторыя поспеху”. На сайце ў рубрыцы “Прафесіі будучыні” таксама можна азнаёміцца з прафесіямі, якія будуць найбольш запатрабаваныя ў перспектыве. Але галоўная задача сайту звесці выпускнікоў ВНУ з патэнцыйнымі працадаўцамі, таму найважнейшыя раздзелы сайта “Вакансіі” і “Рэзюме”, якія мяркуецца актыўна напаўняць. Таксама ў перспектыве запланавана арганізацыя дыстанцыйных майстар-класаў праз інтэрнэт з выпускнікамі праграмы Каліноўскага, якія паспяхова самарэалізаваліся за мяжой.

 

Reply

  • Lines and paragraphs break automatically.
  • Allowed HTML tags: <a> <p> <span> <h3> <img> <hr> <br> <br /> <ul> <ol> <li> <table> <tr> <td> <b> <u> <i> <sub> <sup> <blockquote> <pre> <strike> <caption> <em> <strong>
  • You may post PHP code. You should include <?php ?> tags.
  • You may insert videos with [video:URL]
  • Web page addresses and e-mail addresses turn into links automatically.

More information about formatting options

CAPTCHA
This question is for testing whether you are a human visitor and to prevent automated spam submissions.
Image CAPTCHA
Enter the characters shown in the image.