Тры тысячы даляраў за пікет супраць КДБ

Суд Цэнтральнага раёну Гомеля аштрафаваў моладзевых актывістаў за акцыю пратэсту супраць дзеяньняў мясцовага КДБ.

Суд Цэнтральнага раёну Гомеля аштрафаваў Андруся Цянюту за ўдзел у несанкцыянаваным мерапрыемстве на 50 базавых велічыняў. Міліцыянты таксама абвінавацілі яго ў супраціве падчас затрыманьня. За гэта яго пакаралі штрафам на 30 базавых велічыняў. Агулам штраф атрымаўся 2 мільёны 800 тысяч рублёў, альбо тысячу амэрыканскіх даляраў.

Васіля Токаранку аштрафавалі на 50 базавых велічыняў – 1 млн 750 тысяч рублёў – за ўдзел у пікеце.

На 100 базавых велічыняў штрафу суд пакараў Кастуся Жукоўскага. Ён мусіць заплаціць тры з паловай мільёны рублёў. Гэта амаль1300 даляраў.

Паводле Радыё Свабода