“Праваабарончая школа ”працягвае заняткі

Адбыліся  чарговыя заняткі ”Праваабарончай школы”, арганізаванай Камітэтам “Салідарнасьць” для бацькоў маладых грамадскіх актывістаў. На гэты раз удзельнікі семінара вывучалі ролю грамадскіх і праваабарончых арганізацый у рэалізацыі міжнародных механізмаў абароны правоў чалавека на Беларусі.

Вядучая  семінара прваабаронца Алена Танкачова  пазнаёміла слухачоў школы з тым, як працуюць  важнейшыя міжнародныя інстытуты: Камітэт ААН па правах чалавека, АБСЕ, Савет Еўропы, Камісія ЕС і іншыя. Адзначалася, што  выкарыстанне міжнародных механізмаў  у сённяшніх умовах  - адзн з нешматлікіх інструментаў уздзеяння  на беларускія ўлады.

На другім семінары гэтага цыкла заняткаў гутарка йшла аб правапрымяняльнай практыцы выкарыстоўвання нацыянальнага заканадаўства ў сферы абароны правоў чалавека.

Вядучы семінара юрыст Гары Паганяйла  прааналізаваў, чаму сёння не працуе Канстытуцыя – галоўны  закон  краіны, чаму ў найноўшай гісторыі Беларусі не было ні воднага рашэння суда, якое б у сваёй матывіровачнай частцы спасылалася на  палажэнні Канстытуцыі. Напрыканцы заняткаў Гары Паганяйла адказаў на шматлікія пытанні слухачоў школы, якія прыехалі на семінар з усіх абласцей Беларусі.

 
Вядучыя заняткаў  ”Праваабарончай школы” выказалі свае думкі  наконт карыснасці  такой вучобы.
 

Алена Танкачова:

- Такога кшталту мерапрыемствы даюць каштоўную магчымасць звярнуцца да тэарытычных асноў правоў чалавека і размаўляць аб іх з  людзьмі, якія, ці самі прайшлі праз нейкія сітуацыі, у якіх адчулі  што іх правы парушаныя, ці  з’яўляюцца  сваякамі ахвяр. Што асабліва важна, гэтыя людзі не губляюць упэўненасці ў сябе і імкнуцца падвысіць свае веды, і далей сваёй дзейнасцю зрабіць  унёсак у выпраўленне сітуацыі з правамі чалавека ў краіне.

Я лічу, што адукацыя  і асвета ў галіне правоў чалавека, удзел  у такіх семінарах і трэнінгах, дазваляе, па-першае, пашыраць праваобарончую супольнасць, па другое, рабіць правабарончую дзейнасць больш зразумелай і прывабнай, і па-трэцяе, дае магчымасць удзельнікам такіх семінараў быць больш аргументаванымі пры ўласнай абароне правоў.

Шчыра кажучы, я мару аб тым часе, калі ў Беларусі будзе функцыянаваць акадэмічны інстытут, які будзе займацца выключна вывучэннем правоў чалавека як  міждысціплінарнай навукай. Каб наблізіць гэты час праваабаронцам ужо сёння трэба шмат займацца экспертнай, аналітычнай, навуковай працай. Я сваю ўласную рэалізацыю бачу менавіта ў такой  перспектыве і буду рада, калі змагу гэта здзейсніць.  

Гары Паганяйла:
 
- На жаль, наша дзяржава не абцяжарвае  сябе тым, каб усе грамадзяне добра ведалі свае правы і маглі імі распараджацца. Бо такія веды прымушаюць несці  адказнасць за стан спраў у сваёй дзяржаве і жаданне мець уладу, якая будзе служыць народу, а не дзейнічаць так, як сёння дзейнічаюць нашы ўлады, па прынцыпе паліцэйшчаны і бюракратыі. Карыстаючыся тымі паўнамоцтвамі, якія мы ім уручылі, яны  не робяць нашу жызнь лепш,а пераследваюць сваі вузкія, карысныя меты. Канешне, яны не зацікаўленыя, каб народ  адстойваў свае правы, то бок змагаўся з тымі ж чыноўнікамі.

Навучыцца абараняць свае правы і свабоды, сваю асабістую годнасць -  гэта першасная задача кожнага грамадзяніна, калі ён жадае быць ім, а не адзінкай насельніцтва.

 Семінары, якія праводзяць праваабаронцы, карысныя перш за ўсё тым, што навучаюць спосабам абароны, якія дадзены нам Канстытуцыяй і законамі, навучаюць  ведам аб  тых механізмах, якія грамадзяне могуць выкарыстаць дзеля рэалізацыі сваіх правоў.