Удзельнікі праграмы К. Каліноўскага: Аляксей Матусевіч

Аляксей Матусевіч  паспяхова завяршае вучобу ў дактарантуры на Праграме К.Каліноўскага.
 
На хімічным факультэце Варшаўскай Палітэхнікі ён займаўся экспрэс-аналізам вады. Аляксей вёў распрацоўку высокатэхналагічных прыстасаванняў, якія вызначаюць канцэнтрацыю рэчываў у хімічных пробах.


Яго праца пад назвай “Мініацюрызацыя аніон-селектыўных электрахімічных сэнсараў” напісана на англійскай мове.
 
Аляксей удзельнічаў у  розных міжнародных канферэнцыях, падрыхтаваў 2 публікацыі ў міжнародных часопісах. Маладога навукоўцу апякалі доктар Лукаш Гурскі і доктар Марыюш Петшак.


Па яго словах, ён заўсёды адчуваў дабразычлівае стаўленне да сябе з боку  польскіх выкладчыкаў, а таксама арганізатараў праграмы і К. Каліноўскага і студэнтаў, якія штогод збіраюцца ўзімку на  традыцыйныя сустрэчы “каліноўцаў” ў Беластоке і Варшаве.
 
Аляксей  імкнуўся не адставаць ад іншых  у розных студэнцкіх спартовых падзеях. Ён браў удзел у штогадовым міжнародным марафоне, які традыцыйна праводзіцца ў сталіцы Польшчы.
 
“MaratonWarzawski” з’яўляецца вельмі папулярным мерапрыемствам, якое прапандуе ў горадзе фізічную культуру. Аляксей ганарыцца сваім рэкордам: ён прабег дыстанцыю за 3 гадзіны 26 хвілін, і заняў сярод 4061 удзельнікаў 365 месца!
 
Малады аспірант па-ранейшаму ангажываны у грамадскае жыццё. Падчас вучобы ён актыўна удзельнічаў у сустрэчах з Зянонам Пазняком,  Станіславам Шушкевічам, дзеячамі польскай “Салідарнасці”.  З цікавасцю наведваў Музей Варшаўскага паўстання, Цэнтр Каперніка, дзе можна назіраць зорнае неба ў тэлескоп, хадзіў на канцэрты сімфанічнай музыкі ў Варшаўскую філармонію.
 
Акадэмічная праца у межах Праграмы завяршаецца.
 
Даследванні маладога навукоўца Аляксея Матусевіча выкладзены ў асобную брашуру.