У Баранавічах будуць святкаваць 150-годдзе бітвы пад Мілавідамі

22 траўня 2013 года  споўніцца 150 год бітвы пад Мілавідамі - апагея супраціву герояў- каліноўцаў.
 
Гэта мясцовасць знаходзіцца ў 18 кіламетраў ад Баранавічаў.Сябры Баранавіцкай філіі ТБМ  рыхтуюцца  урачыста адзначыць гэтую гістарычную падзею
 
На Мілавідскім полі знаходзяцца тры помнікі: каталіцкая капліца, праваслаўны чыгунны крыж і валун, які ўсталявалі сябры ТБМ ў 2006 годдзе.
 
Ёсць меркаванне, што Уладзімір Караткевіч быў на Мілавідскі полі, і ўзяў адтуль адзін з сімвалаў – зламаны колас.
 
Да памятнай даты, звязанай з Мілавідамі  актывісты рыхтуюць навуковую краязнаўчую  канферэнцыю і бардаўскі канцэрт. Запланавалі правесці віктарыну ў мясцовай газеце на веданне гісторыі бітвы пад Мілавідамі. Звярнуліся у раённую адміністрацыю за дазвалам правесці    дыктоўку па тэкстах К. Каліноўскага у адной з 50 раённых бібліятэк. Аднак – як і чакалі -атрымалі адмову, і зараз  усіх прыхільнікаў беларускай мовы  запрашаюць 3 лютага на сядзібу ТБМ, каб там напісаць дыктоўку.
  
Таксама  актывісты выдалі каляровую паштоўку прысвечаную гістарычным падзеям, звязаным з К. Каліноўскім, якую плануюць шырока распаўсюджваць у рэгіёне.