Чаму Данбас стаў уразлівы да ідэй сепаратызму?

Знайсці адказ на гэтае пытанне дапаможа дакументальная стужка "Другі "Чэлсі": Гісторыя з з Данецка" Якаба Пройса.

Стужка перамагла на кінафэсце імя Макса Офюльса-2011 у намінацыі “Лепшы дакументальны фільм”.

Паводле меркаванняў украінскіх аматараў дакументальнага кіно, прагляд стужкі "Другі "Чэлсі": Гісторыя з з Данецка" раскрывае прычыны і перадумовы таго трагічнага становішча, у якім зараз апынуўся усход Украіны.

За апошнія гады незалежнасці Данбас жыў сваім адасобленым ад Кіева жыццём нібыта ў запаведніку – аскепку савецкай імперыі, у якім аднак цалкам натуральна спакваля адбываліся працэсы заняпаду. Простыя людзі працавалі на шахтах на зношаным абсталяванні і зараблялі грашы, а мясцовыя алігархі дзялілі паміж сабой прыродную рэнту і выбівалі датацыі з Кіева, культывуючы вобраз асаблівага рэгіёна і адмаўляючыся удзельнічаць у нацыянальным будаўніцтве краіны.

Камітэт салідарнасці з Украінай запрашае на дабрачынны прагляд стужкі нямецкага рэжысёра. Паказ адбудзецца сёння на Сядзібе БНФ (Чанышэўскага, 3) а 18 гадзіне.