Пашыраецца сетка маніторынгу парушэнняў акадэмічных свабод

18 кастрычніка ў Мінску адбудзецца прэзентацыя сеткі маніторынгу парушэнняў акадэмічных правоў і свабод.

Парушэнні акадэмічных свабод студэнтаў адбываюцца паўсюль. Але менавіта ад стаўлення студэнтаў да такіх парушэнняў і залежыць іх колькасць. Такога меркавання прытрымліваюцца ў Грамадскім Балонскім камітэце і з мэтай фіксацыі парушэнняў праводзяць у новым навучальным годзе маніторынг парушэнняў акадэмічных правоў і свабод, паведамляе сайт  МПГ “Студэнцкая Рада”.

Ахвотныя далучыцца да сеткі маніторынга парушэнняў акадэмічных свабод могуць прыйсці 18 кастрычніка на адмысловае мерапрыемства, дзе будзе:

• прэзентацыя сеткі маніторынга;
• размова пра неабходнасць правядзення маніторынга;
• кароткае навучанне назіральнікаў, як праводзіць маніторынг;
• прадстаўленне вынікаў маніторынга за 1-ае паўгоддзе 2014 г.;
• навучанне правільнаму запаўненню дакументаў маніторынга.

А таксама у вас будзе магчымасць задаць любое пытанне, адказ на якое даўно хацелі атрымаць.

Усе пытанні па маніторынгу і мерапрыемству можна накіроўваць на адрас [email protected].

Удзельнікам маніторынгу гарантуюцца канфідэнцыяльнасць і захаванасць персанальнай інфармацыі. Любая інфармацыя аб удзельніках будзе выкарыстоўвацца толькі для камунікацыі з арганізатарамі маніторынгу, і не будзе перадавацца трэцім асобам.

Даведка. Маніторынг парушэнняў акадэмічных свабод арганізаваны Грамадскім балонскім камітэтам‏ і ўжо праводзіцца цягам апошніх трох год.