Цёплы братэрскі поціск праз адлегласць

У Мінску 26 снежня а 18 гадзіне на Чарнышэўскага, 3-39 адбудзецца святочная вечарына салідарнасці з Украінай.

Беларускі камітэт салідарнасці далучаецца да акцыі ўкраінскіх валанцёраў "Падзяліся цяплом" і заклікае беларусаў звязаць, ці набыць цеплыя рэчы (шкарпэткі, шалікі, рукавіцы) і іншыя цёплыя падарункі для байцоў АТА і прынесці іх 26 снежня на святочную вечарыну салідарнасці з Украінай.

Падчас вечарыны беларускія валанцёры правядуць святочную ярмарку Салідарнасці, ахвяраванні ад якой пойдуць на дапамогу ўкраінскім патрыётам, пасля ярмаркі адбудзецца Святочны канцэрт з удзелам групы "Гарадскі вал", барда Змітра Захарэвіча, спявачак-калядоўніц, а напрыканцы будзе прэзентаваны новы кліп Вольгі Мікалайчык.

Акцыя праходзіць па лозунгам: “Лепш самая малая дапамога, чым самае вялікае спачуванне”.

“Зіма ва Ўкраіну прыйшла нечакана і рана. Абаронцы ўкраінскай зямлі па-ранейшаму не ўкамплектаваныя цёплымі рэчамі. У Луганскай і Данецкай абласцях тэмпература ноччу даходзіць да 5 градусаў ніжэй за нуль", - адзначаюць валанцёры.