Віцебскія праваабаронцы і журналісты выказалі салідарнасць з загінулымі ў Парыжы

На знак ушанавання памяці ахвяр тэракту ў рэдакцыі часопіса Charlie Hebdo яны сфатаграфаваліся з плакатамі «Je suis Charlie» («Я – Шарлі») і ўсклалі кветкі да сцяны з вядомым ў горадзе графіці – малюнкам з клеткамі і птушкамі.

Гэты малюнак сімвалізуе свабоду прэсы і выказвання меркаванняў, лічыць праваабаронца, Павел Левінаў. Таму менавіта гэтае месца была абрана для ўскладання гваздзікоў з жалобнай стужкай, паведамляе сайт ПЦ “Вясна”.

"Мы думалі, дзе ў Віцебску найбольш сімвалічнае месца, звязанае з Францыяй або са свабодай слова… І не знайшлі нічога больш сімвалічнага, чым гэты будынак былога раённага дома культуры па вуліцы Ільінскага. Тут на сцяне - малюнак-графіці: тры клеткі, з якіх вылятае на волю птушка, зробленая з газеты”, - кажа Павел Левінаўю.

Фотасесія як сродак для выказвання сваёй пазіцыі, была праведзена на знак ушанавання памяці ахвяр тэрактуаў рэдакцыі часопіса Charlie Hebdo . Фотаздымкі віцебскіх журналістаў і праваабаронцаў, якія цяпер сфатаграфаваліся, трымаючы ў руках плакаты «Je suis Charlie», размешчаны на мясцовым праваабарончым сайце "Віцебская вясна" і на асабістай старонцы Паўла Левінава ў сацыяльнай сетцы.

Нагадаем, сцяна з графіці стала мясцовай савутасцю, да чаго спрычынілася мясцовая міліцыя. Летась некалькі чалавек сфатаграфаваліся з папяровымі клеткамі і птушкамі-арыгамі, а фотаздымкі з'явіліся ў інтэрнэце ў дзень правядзення міжнароднай кампаніі салідарнасці "Станем за журналістыку", міліцыя і суд убачылі парушэнне адміністрацыйнага заканадаўства. Фотасесія была кваліфікаваная як "несанкцыянаванае пікетаванне".