МЗС Эстоніі прапануе стыпендыі

Міністэрства замежных спраў Эстоніі прапануе стыпендыі для навучання ў магістратуры ў Тартускім універсітэце. Запрашаюцца кандыдаты з Беларусі, Украіны, Малдовы, Арменіі, Азербайджана, Грузіі, Афганістана.

Навучанне будзе ажыццяўляцца на ангельскай мове, памер стыпендыі складае 400 еўра на месяц. Тэрмін магістратуры - 2 гады.

Магістратура прапануецца па наступных дысцыплінах:

• Робататэхніка і кампутарны інжынірынг,
• Праграмнае забеспячэнне,
• Кампутарная навука,
• Колькасная эканоміка,
• Мастацтва гукавога інжынірынгу (навучанне ў Таліне і Вільяндзі),
• Прыкладныя вымярэнні,
• Здароўе і кіраванне спа-паслугамі (навучанне ў Пярну),
• Семіётыка,
• Філасофія,
• Міжнародныя зносіны і рэгіянальныя даследаванні,
• Дэмакратыя і кіраванне,
• Даследаванні Балтыйскага рэгіёну,
• Даследаванні зносін "ЕЗ-Расія".

Кандыдат мае магчымасць падаць заяўкі максімум па 2-х дысцыплінах. Для гэтага неабходна да 16 красавіка 2015 года прадставіць дакументы праз анлайн-платформу і да 30 красавіка 2015 года - праз пошту. Па дадатковую інфармацыю неабходна звяртацца да куратара іншаземных студэнтаў Тартускага ўніверсітэта Кайя Мурасава праз е-мэйл: [email protected].

Больш падрабязна by.odb-office.eu