У Мінску прайшоў марафон памяці ахвяраў сталінскага тэрору (ФОТА)

Актывісты 29 кастрычніка наведалі Кальварыйскія могілкі, раён Ракаўскага кірмашу, Лошыцкае ўрочышча, крыж ля вёскі Благоўшчына, магілу Янкі Купалы на вайсковых могілках, крыж у парку Чалюскінцаў, Курапаты.

Ва ўсіх гэтых месцах пахаваныя ахвяры масавых сталінскіх рэпрэсій 30-х гадоў мінулага стагоддзя.

У мерапрыемствах, арганізаваных рухам салідарнасці "Разам" прымалі ўдзел Вячаслаў Сіўчык, Алесь Макаеў, старшыня ГА «Хрысьціянская злучнасьць Курапаты» Вацлаў Нямковіч, паэты Сяргей Законнікаў і Міхась Скобла, драматург Уладзімір Халіп, палітык Мікола Статкевіч, скульптар Генік Лойка, бард Зміцер Захарэвіч ды іншыя актывісты.

На месцах пахаванняў ахвяраў рэпрэсій выступалі з прамовамі, ўскладалі кветкі і запальвалі знічы, ушаноўвалі бязвінна загінулых хвілінай маўчання і разам, пад бел-чырвона-белым сцягам Ніны Багінскай, чыталі малітву "Магутны Божа".

Кальварыйскія могілкі

Ракаўскі кірмаш

Лошыца

в. Благоўшчына

Помнік Янку Купалу на Вайсковых могілках

Парк Чалюскінцаў

Паводле "Новы час"