Міліцыя склала 14 пратаколаў за удзел у шэсці 25 жніўня

Міліцыя склала адміністрацыйныя пратаколы ў дачыненні да 14 удзельнікаў несанкцыянаванага шэсця ў Мінску, якое адбылося 25 жніўня і было прысвечана 25-годдзю ўваходжання ў сілу Дэкларацыі аб дзяржаўным суверэнітэце Беларусі.

«25 жніўня 2016 году ў сталічным парку імя Я.Купалы сабралася група грамадзянаў, якая калонай прайшла па ходніках да плошчы Незалежнасці. У дачыненні да 14 удзельнікаў несанкцыянаванай акцыі складзены пратаколы аб адміністрацыйных правапарушэннях», — гаворыцца ў паведамленні ГУУС Менгарвыканкаму.

Ініцыятарам акцыі выступіла міжнароднае грамадскае аб’яднанне «Малады фронт» (зарэгістравана ў Чэхіі). Акцыя пачалася з Купалаўскіх чытанняў у сквер імя Янкі Купалы ля помніку народнаму паэту. Затым каля 70 удзельнікаў акцыі прайшлі святочным шэсцем па праспекце Незалежнасці да аднайменнай плошчы, нагадвае Радыё Свабода.