Аднаго журналіста аштрафавалі “за брыдкаслоўе”, другога – “за незаконны выраб СМІ”

Сілавыя структуры працягваюць перашкаджаць працы журналістаў, а судовая сістэма аказвае на прадстаўнікоў незалежных СМІ ціск, караючы штрафамі.

На мінулым тыдні, 20 красавіка у судзе Першамайскага раёна аператара тэлеканала “Белсат” Алеся Любенчука пакаралі штрафам “за брыдкаслоўе” (дробнае хуліганства, артыкул 17.1 КаАП). Паводле сведчанняў міліцыянтаў, Любянчук брудна лаяўся ў памяшканні РУУС ў прысутнасці супрацоўнікаў міліцыі. У суда не ўзнікла сумневаў у сведчаннях міліцыянтаў. Суддзя Гарбатоўскі абвясціў пастанову - штраф 25 базавых велічынь.

Суд Савецкага раёна Гомеля 19 красавіка аштрафаваў журналіста-фрылансера і аўтара «Новага Часу» Яўгена Меркіса на 40 базавых велічынь.

Па інфармацыі "Новага Часу", журналісту інкрымінавалі другую частку артыкула 22.9 КоАП РБ “незаконны выраб і распаўсюд прадукцыі СМІ”. А менавіта, стрым з акцыі супраць дэкрэта № 3 ў Пінску і інтэрв’ю з дэпутатам Палаты прадстаўнікоў Ігарам Марзалюком у Магілёве на тамтэйшай акцыі пратэсту.

Журналіст сваёй віны не прызнаў, лічыць, што ўлады, пакараўшы яго, парушаюць 34 артыкул Канстытуцыі, які гарантуе права на збор і распаўсюд інфармацыі.

Нагадаем, што ў гэтым жа судзе Яўгена ўжо аштрафавалі на 30 базавых велічынь за анлайн-трансляцыю з Рагачоўскай акцыі пратэсту.

Паводле ПЦ "Вясна"

0 Comments

Post new comment

  • Lines and paragraphs break automatically.
  • Allowed HTML tags: <a> <p> <span> <h3> <img> <hr> <br> <br /> <ul> <ol> <li> <table> <tr> <td> <b> <u> <i> <sub> <sup> <blockquote> <pre> <strike> <caption> <em> <strong>
  • You may post PHP code. You should include <?php ?> tags.
  • You may insert videos with [video:URL]
  • Web page addresses and e-mail addresses turn into links automatically.

More information about formatting options

CAPTCHA
This question is for testing whether you are a human visitor and to prevent automated spam submissions.
Image CAPTCHA
Enter the characters shown in the image.