Адказаць на каментар

Па параду да “Салідарнасьці” звярнулася Варвара – студэнт філасофскага факультэта БДУ па спецыяльнасці псіхалогія. Нядаўна яна была выклікана ў дэканат навучальнай установы дзеля ўзгаднення “некаторых акадэмічных пытанняў”. У пакоі, як высветлілася, дзяўчыну чакаў малады чалавек, прадставіўшыйся “псіхолагам” Ігарам. Незнаёмец павёў гутарку на прадмет наяўнасці прэтэнзій да ўзроўня адукацыі, пытаўся, ці Варвара мае акадэмічныя запазычанасці альбо праблемы з авалоданнем праграмы, зазначыў, што час ад часу Варвара арганізоўвае для моладзі прагляды сацыяльных фільмаў. Пачуўшы з вуснаў усхваляванай дзяўчыны лагічнае пытанне адносна мэты і прычыны гутаркі, мужчына зазначыў аб інфармаванасці адносна дачынення і актыўнага ўдзелу студэнткі ў выбарчае кампаніі кандыдата ў прэзыдэнты Ўладзімера Някляева, які ў дадзены момант знаходзіцца пад хатнім арыштам у чаканні судовага разбіральніцтва за акцыю пратэсту супраць фальсіфікацыі выбараў 19 снежня 2010.
Адпаведна, паводле меркавання “псіхолага”, цяпер і Варвара можа мець праблемы з навучаннем, Ігар адкрыта прапанаваў дзяўчыне супрацоўнічаць з ім – паведамляць цікавіўшыя яго звесткі адносна дзейнасці “Гавары Праўду” і аргкамітэта партыі БХД, куды дзяўчыне прапанавалі “ўнядрыцца”, выконваючы разнастайныя даручэнні цікаўнага “псіхолага”. За станоўчае вырашэнне пытання, мужчына паабяцаў грашовую падтрымку і палёгкі па акадэмічнай частцы. Калі ў адказ самазваны псіхолаг пачуў рэзонны адказ: “З якога часу псіхолаг мае такія паўнамоцтвы і на чым будуецца ягоны інтарэс да дзейнасці вышэйзгаданых арганізацый?” – псіхолаг пачаў пагражаць Варвары “недопускам” да сэсіі, праблемамі ў будучым і як скрайні аргумэнт прыгадаў, што старэйшы брат Варвары навучаецца ў адным з дзяржаўных ВНУ і мае перспектывы патрапіць пад наступны вайсковы прызыў у такім выпадку.
Пасля чаго, граючы на патрыятычных пачуццях, “псіхолаг” нагадаў, што дзяржава ў няпростым стане, калі ўнутраныя і знешнія ворагі краіны пастаянна прыкладаюць намаганні на разбурэнне хісткага міру і стабільнасці.  Ігар спытаў, ці не хоча Варвара прайсці практыку псіхолагам у Камітэце Дзяржаўнай Бяспекі. Пасля адмовы ва ўльтыматыўнай форме на стол лягла падпіска аб нерозгаласе ўсіх акалічнасцей размовы. З гэтага часу Варвара не пэўная, ці зможа спакойна навучацца і займацца практыкай “па прызначэнні”.
Пад час акцыі пратэсту пасля выбараў Варвара патрапіла ў адзін з Мінскіх шпіталей, дзе ёй быў пастаўлены дыягназ ЧМТ лёгкай ступені і сатрасенне мозгу. Дзяўчына правяла 5 дзён на бальнічным ложку пад аховай выстаўленага канвою з прадстаўнікоў МУС. Выпісаўшыся з лякарні дзяўчына звярнулася ў пракуратуру са скаргай аб незаконных дзеяннях супрацоўнікаў міліцыі, але як вынік, скарга была незадаволена. Толькі адміністратыўны пераслед за ўдзел ў акцыі пратэсту быў афіцыйна спынены ў дачыненні да пацярпелай.
Пасля выбараў было зафіксавана шмат спробаў супрацоўнікаў КДБ запалохваць, завербаваць і адбіваць ахвоту ў беларускіх студэнтаў да навучання і далейшай працы на карысць Беларусі.