Алесь Лагвінец беларусізуе Акрэсьціна

Памочнік Аляксандра Мілінкевіча Алесь Лагвінец распрацаваў беларускамоўны блянк заявы на прыём перадачаў арыштаваным.

– Каб зрабіць перадачу ў ізалятар часовага ўтрыманьня неабходна запоўніць спэцыяльны бланк заявы. Мне яго далі на Акрэсьціна. Але ж ён быў аформлены па-расейску. Увечары я зрабіў ягоны пераклад на беларускую мову і надрукаваў некалькі экзэмпляраў па-беларуску, – кажа Алесь Лагвінец.

Ранкам 24 студзеня Алесь зрабіў перадачы Алесю Макаеву, Карэну Акопаву, Сяргею Парсюкевічу і Зьмітру Хведаруку, напісаўшы заявы па-беларуску.

Рух заклікае ўсіх, хто робіць перадачы на Акрэсьціна, карыстацца беларускай мовай.

Блянк на беларускай мове можна сьцягнуць тут.