Будзем сустракаць з блінамі, з плюшкамі !

У госці ў Камітэт абароны рэпрэсаваных «Салідарнасць» , распавесці пра сына, завітала Алена Ліхавід.

-У апошнія тыдні ў мяне падняўся настрой, мы падбадзёрылі сабе тым, што трэба скора будзе сустракаць хлопцаў. Будзем сустракаць з блінамі, з плюшкамі! Калі мае сяброўкі- матулі вязняў едуць у на доўгатэрміновае спатканне да сыноў і мужоў, гатую мужчынам фаршыраваную смажаную курыцу. Сапраўды, я вельмі люблю гатаваць, але пакуль Мікіта адсутнічаў у мяне не было настрою і жадання штосьці рабіць. Аднойчы сын сказаў, што вельмі хацеў бы з’есці бабулінага баршча.
 
- Зараз Мікіта знаходзіцца ў памяшканне зачыненага тыпа Наваполацкай калоніі. Пад’ём вязняў у пяць гадзінаў, адбой у 21 гадзіну. На дзень нары прычапляюць да сцяны, можна сядзець на стуле, можна чытаць кнігі. На свежае паветра водзяць адзін - два разы на дзень па паўгадзіны. Мікіта казаў мінулы раз па тэлефоне: “Мама, не турбуйся, не хвалюйся, усё добра!”