Веды, якія не дае сістэма адукацыі

Для тых, хто хоча даведацца, як бараніць свае правы і правы іншых, ў Мінску 30 кастрычніка адбудзецца семінар.

Заяўку яшчэ можна падаць 27 кастрычніка.

“Падчас двухгадзіннага семінара мы пагутарым пра гісторыю і ідэі, на якіх грунтуюцца Правы Чалавека. Зразумеем, калі нашы правы парушаюцца, а калі не і якія існуюць механізмы іх абароны. Таксама мы паразважаем аб прынцыповай розніцы паміж праваабаронцамі і палітыкамі, талерантнасці, большасці і меншасці, свабодзе і пра тое, што Правы Чалавека — гэта вельмі канкрэтныя рэчы”, - паведамляюць арганізатары семінара.

Да ўдзелу ў праграме запрашаюцца беларуская моладзь і студэнты, а таксама ўсе жадаючыя да 35 гадоў уключна, незалежна ад сацыяльнага становішча, веравызнання і г.д.

Семінар пройдзе 30 кастрычніка 2014 (чацвер) у Мінску. Пачатак а 18.30. Працягласць — каля 2 гадзін. Дакладнае месца правядзення будзе паведамлена пасля рэгістрацыі.

Анлайн-заяўку можна запоўніць тут. Дэдлайн - 27 кастрычніка. Больш падрабязная іншармацыя размешчаная на сайце ПЦ “Вясна”.