Еўрапейскі студэнцкі саюз выказаў салідарнасць з беларускімі студэнтамі

Еўрапейскі студэнцкі саюз (ESU) заклікаў улады Беларусі і адміністрацыі беларускіх ВНУ спыніць ціск на студэнтаў, якія спрабуюць абараніць свае акадэмічныя правы і свабоды.

Як адзначаецца ў заяве, апублікаваным на сайце ESU, амаль усе беларускія ВНУ увялі зборы для студэнтаў за пераздачу іспытаў і залікаў. Пасля таго, як студэнты выступілі супраць вядзення такой сістэмы, яны апынуліся пад «жорсткім ціскам», паведамляе Радыё Свабода.

«Калі Беларускі дзяржаўны універсітэт, адзін з апошніх ВНУ, якія не мелі такіх збораў, абвясціў аб увядзенні гэтай нормы са студзеня 2016 года, студэнты сабралі 2.500 подпісаў супраць рэформы. Гэта вылілася ў ціск на актывістаў студэнцкага руху ў БДУ.», — піша ESU. Ціск таксама зведалі студэнты іншых беларускіх ВНУ, якія выступілі за адмену ужо дзеючай платнай сістэмы пераздачы залікаў і іспытаў.

Падобныя дзеянні ESU расцэньвае як «відавочнае парушэнне акадэмічных свабодаў» з боку Беларусі, якая была прынятая ў Еўрапейскую прастору вышэйшай адукацыі і далучылася да Балонскага працэсу ў траўні.

ESU заяўляе аб салідарнасці з беларускімі студэнтамі, рашуча асуджае парушэнні акадэмічных свабодаў у Беларусі і настойліва заклікае беларускія універсітэты, у тым ліку БДУ, «спыніць усе формы рэпрэсій у дачыненні да студэнтаў». «Беларусь павінна прытрымлівацца асноўным каштоўнасцям Еўрапейскага прасторы вышэйшай адукацыі, уключаючы забеспячэнне акадэмічнай свабоды ва усіх яе аспектах», — падкрэсліваецца ў заяве Еўрапейскага студэнцкага саюза.

Заява ESU, які аб’ядноўвае 47 нацыянальных саюзаў студэнтаў з 39 краін, стала адказам на зварот актывістаў студэнцкага руху Беларусі, у якім яны прасілі саюз аб салідарнасці.

Як паведамляла Свабода, 11 лістапада студэнты прынеслі ў адміністрацыю БДУ петыцыю і 2515 подпісаў супраць увядзення аплаты за пераздачы. А ужо 12 лістапада на сайце універсітэту з'явілася інфармацыя, што палажэнне ухваленае.