Затрыманьне ў Кобрыне

У суботу увечары ў Кобрыне міліцыянты затрымалі маладафронтаўца Андруся Верам'юка за вывешваньне бел-чырвона-белага сьцяга.

У суботу а 18 гадзіне вечара актывіст Кобрынскага Маладога Фронту Андрэй Верам'юк разам з паплечнікамі ўзьнялі нацыянальны сьцяг на 12-мэтровай вышыні на адным з будынкаў у цэнтры гораду.

Калі маладафронтаўцы ўжо зьбіраліся сыходзіць, да іх падышлі амапаўцы, якія сказалі, што жыхары суседніх дамоў бачылі, які маладыя людзі з падобнымі прыметамі вывешвалі бел-чырвона-белы сьцяг.

У выніку супрацоўнікі міліцыі затрымалі Андрэя Верам'юка.

Яго пратрымалі ў міліцыі паўтары гадзіны і адпусьцілі без складаньня пратаколу.

Бел-чырвона-белы сьцяг зьнялі празь некалькі гадзін пажарнікі.

Паводле mfront.net