Затрыманьні ў Лідзе

У Лідзе затрымалі маладафронтаўцаў, якія разьлеплівалі партрэты Арцёма Дубскага.

Уначы ў раёне чыгункі міліцыянты затрымалі актывістаў Лідзкага Маладога Фронту Вадзіма Бароўскага і Кастуся Ліцьвінскага за распаўсюд налепак "Свабоду Дубскаму!".

Супрацоўнікі міліцыі адвезьлі маладзёнаў у райадзьдзел.

"У райадзьдзеле міліцыянты ня ведалі, які артыкул нам "прышыць", таму паклалі на стол Крымінальны кодэкс і заявілі - выбірайце самі", - распавядае Вадзім Бароўскі.

У рэшце рэшт у хлопцаў узялі тлумачэньні і, сканфіскаваўшы некалькі ўлётак, праз 3 гадзіны адпусьцілі на свабоду.

Паводле mfront.net