Магілёў: затрыманыя двое актывістаў моладзевага руху

Непаўналетніх моладзевых актывістаў Расьціслава Панкратава і Алега Каштанава затрымалі прыкладна а 20-й гадзіне падчас распаўсюджаньня бел-чырвона-белых стужак.

Міліцыянты зьвінавацілі хлопцаў у размахваньні бел-чырвона-белым сьцягам і завялі ў пастарунак Ленінскай управы міліцыі, што каля магілёўскага ГУМу.

Актывістам не даюць паведаміць бацькам пра затрыманьне. У пастарунак выкліканы ўчастковы міліцыянт, які мусіць паведаміць бацькам пра затрыманьне іхных дзяцей.

Паведамляе радыё Свабода