Моладзь у рэгіёнах “прэсуюць”

Працягваецца ціск з боку КДБ на моладзевых актывістаў у рэгіёнах. Пры гэтым спецслужбы ўжываюць “разнастайныя” метады: тут і запалохванне маладзенаў, і розныя пасулы. А таксама банальнае надакучванне сваімі размовамі.
 
З усім гэтым на працягу апошніх месяцаў сутыкнуўся навучэнец Магілеўскага дзяржаўнага тэхналагічнага каледжа, моладзевы актывіст з Аб’яднанай грамадзянскай партыі Ян Пінчук.
 
Спачатку ініцыятыўны спецслужбовец рэгулярна напамінаў пра сябе тэлефанаваннем. Потым стаў прыходзіць у навучальную установу. Пры гэтым Яна проста здымалі з заняткаў і гутарка адбвалася ў адным з кабінетаў адміністрацыі каледжу.
 
У апошні час  “незнаёмец” стаў з’яўляўцца напрыканцы заняткаў і чакаць, калі Ян будзе выходзіць з будынку. У ходзе размоў была спроба прцягнуць да супрацоўніцтва. Былі пасулы паспрыяць у далейшым навучанні ці працаўладкаванні. Але былі і не прыкрытыя пагрозы пашкодзіць гэтаму ж самаму.
 
Асабліва настойліва оперупаўнаважаны КДБ цікавіўся крыніцамі фінансавання апазіцыі.  
 
Пасля таго як падзеі пачалі разгортвацца такім чынам, Ян Пінчук прыняў рашэнне зрабіць пераслед здабыткам галоснасці.
 
Але ў хлопца зараз на душы неспакойна, бо трэба рабіць выбар, ці варта  працягваць далейшую вучобу ў гэтай навучальнай установе.