Тэрміновыя кантракты: Закон ці беззаконне? (ВІДЭА)

Працоўныя кантракты ў Беларусі зрабілі наёмнага работніка фактычна бяспраўным. Ён не можа выказаць нязгоду з начальствам, паскардзіцца на кепскія ўмовы працы, не кажучы ўжо пра актыўны пратэст у выглядзе страйку. Актыўных людзей, якія спрабуюць бараніць свае правы і правы сваіх калегаў проста звальняюць у сувязі з заканчэннем кантракту без тлумачэння прычын. І гэта на сённяшні дзень цалкам законна.

Камітэт “Салідарнасць” распачынае серыю відэакансультацый ў дапамогу грамадскім актывістам. У межах серыі Вашай увазе прапануецца відэакансультацыя “Тэрміновыя кантракты: Закон ці беззаконне?”

Абмяркоўваюць злабадзённую праблему працоўных кантрактаў, а таксама даюць каштоўныя парады наёмным работнікам нацыянальны юрыст Беларускага кангрэса дэмакратычных прафсаюзаў Алена Яськова і юрыст Камітэта “Салідарнасць” Тамара Сідарэнка.

У фокус відэакансультацый трапілі тэмы парушэння працоўных адносінаў, адміністратыўнага пераследу журналістаў-фрылансераў, парушэння правоў грамадзян на свабоду асацыяцый і аб’яднаннняў, абмежавання акадэмічных свабодаў студэнтаў і выкладчыкаў, парушэнне права на беларускамоўную адукацыю, права на якаснае лячэнне і кампенсацыю за траўмы на вытворчасці.